Б.Бат-Эрдэнэ: Баялгийнхаа өгөөжийг авч үлдэх, хүртэх тал дээр ямар бодлоготой байна

УИХ-ын чуулганы өнөөдрийн /2020.10.22/ нэгдсэн хуралдааны үдээс хойших хуралдаанаар Засгийн газраас 2020 оны 09 дүгээр сарын 30-ны өдөр өргөн мэдүүлсэн Монгол Улсын нэгдсэн төсвийн 2021 оны төсвийн хүрээний мэдэгдэл, 2022-2023 оны төсвийн төсөөллийн тухай хуульд өөрчлөлт оруулах тухай хуулийн төслийн хэлэлцэх эсэхийг хэлэлцлээ

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Б.Бат-Эрдэнэ асуулт асуулаа:

1. Монголбанк, хадгаламж зээлийн хоршоо, банк бус санхүүгийн байгууллага гээд мөнгө хүүлдэг, зэрэгцээд бусармаг үйл ажиллагаа явуулдаг асуудлууд байна. Эдгээрийг бодитойгоор цэгцэлж, журамласан уу? 

2. Баялагийнхаа өгөөжийг авч үлдэх, хүртэх талаар Монголынхоо эдийн засагт тус болох чиглэлээр ямар бодлого барьж байна. 

3. Хөгжлийн банкны асуудал яригдаж байгаад хаягдаад одоо гадаадын банкууд хэрэгтэй гээд нэгийг хаяж нөгөө рүү яваад байна.

Түүний асуултанд Монголбанкны Тэргүүн дэд ерөнхийлөгч Г.Дөлгөөн хариуллаа.