Б.Бат-Эрдэнэ: Бор-Өндөрийг түшиглээд хийсэн бол тэнд дэд бүтэц бүгд байсан

Улсын их хурлын чуулганы өнөөдрийн /2019.10.25/ нэгдсэн хуралдаанаар Гаалийн албан татварыг хөнгөлж, буцаан олгох тухай хуулийн төслийн анхны хэлэлцүүлгийг хийлээ.

Энэ үеэр улсын их хурлын гишүүн Б.Бат-Эрдэнэ 

Хэлэлцэж байгаа асуудалтай холбогдуулаад засгийн газрын гишүүд идэвхтэй баймаар байна. Засгийн газрын гишүүд их хурлын чуулган дээр тун цөөхөн үзэгдэж байна. Одоо асуудал нь орж ирж байгаа сайдууд алга ингэж болохгүй. Яагаад засгийн газрын бодлого чиглэлийг авч гарахын төлөө ажиллахгүй байгаа юм. Гаалийн татвараас чөлөөлөх, НӨАТ-аас чөлөөлөх хуулиуд жил дараалан орж ирдэг, тэгэхээр яг энэ жилийн хувьд ямар хэмжээний хөнгөлөлт чөлөөлөлт эдлүүлж байгаа вэ?

Энэ нь төрийн бодлогод, төсвийн орлогод ямар эерэг сөрөг нөлөө үзүүлж байна? Бид нефтийн үйлдвэр байгуулах , үйлдвэрийн ажиллагсадын хотхон байгуулахтай холбоотой, тэнд шаардлагатай барилгын материалыг гаднаас тээвэрлэн зөөвөрлөх түүний гааль НӨАТ-ын татварыг чөлөөлөхтэй холбоотой юм ярьж байна. Дотоодын барилгын салбарууд хөл дээрээ босчихсон, сүүлийн үеийн техник технологи ашиглаж байгаа. Барилгын материалын үндсэн үйлдвэрүүд бол тодорхой хэмжээнд хөгжиж нэлээн бололцоотой болсон.

Ямар өндөр технологитой, тансаг зэрэглэлийн хотхон байгуулах гээд гаднаас импортоор оруулж ирж байгаа юм бэ? Оруулж ирч байгаа материалын гаалийн татварыг яагаад чөлөөлнө гээд байдаг юм. Бэлэн байж байгаа Бор-Өндөрөө түшиглүүлээд хийчихсэн бол тэнд хотхон нь байж байгаа бүх дэд бүтэц нь байна. Уснаас эхлээд төмөр зам, цахилгаан эрчим хүч, одоо авто замыг нь барьж байгаа. Тэгэхээр Алтан ширээ, нефт боловсруулах үйлдвэр тэнд байршлыг нь сонгож хийгээд байгаа нь ямар чухал байршил ач холбогдолтой болоод тэнд  хийж байгаа вэ?