Б.Бат-Эрдэнэ: Хөгжлийн баримт бичгүүддээ мөрийн хөтөлбөрийн биелэлтээ уялдуулах шаардлагатай

Улсын Их Хурлын 2019 оны хаврын ээлжит чуулганы өнөөдрийн (2019.05.23)  нэгдсэн хуралдаанаар "Монгол Улсын эдийн засаг, нийгмийг 2020 онд хөгжүүлэх үндсэн чиглэл батлах тухай" УИХ-ын тогтоолын төслийн анхны хэлэлцүүлгийг хийж байна.

УИХ-ын гишүүн Б.Баттөмөр: 

"Бид хангалттай хөгжлийн хөтөлбөр, хууль баталсан. Үүнтэй хэр уялдуулсан бэ?

Бид 2016 онд иргэддээ мөрийн хөтбөлр амалж гарч ирсэн. Мөн тодорхой хийх ажлын мөрийн хөтөлбөрөө баталсан. Үүний хэрэгжилт хэр хангагдаж байна вэ? Жишээлбэл, Сүү боловсруулах үйлдвэр байгуулна гэсэн. Ганц нэг сумд хуваиараа гаргасан. Байр сууцыг нь гарга, усан хангамжийг ийм хэмжээнд байлга гэх мэт олон шаардлага тавьсан. тэнд хөдөөгийнхөн байтугай аймгийн төв, нийслэлд ч байгуулах боломжгүй нөхцөлийг тавьж байна. Ийм байхад өнөө хөтөлбөр хаашаа явах вэ? 

УИХ-ын байнгын хороо, ажлын хэсгийн ирц бүрдэхээ байлаа. Өчнөөн хүн, ажлын хэсгийнхэнийг ирүүлээд хүлээлгэж хүлээлгэж ирэхгүй тарсан. УИХ-ын бүтцийн байгууллагууд ирцээ хангаж ажиллах хэрэгтэй байна. Цаашлаад Засгийн газрын яамдын нөхөд ч асуудал хэлэлцэх үед сайдаасаа эхлээд газрын дарга нар нь ирэхгүй байна. Асуудалд ийм байдлаар хандаж болохгүй.

Махны асуудлаа экспортоо нэмэгдүүлэх гэдэгрүү чиглүүлж өчнөөн ярьсан ажилласан. Гэтэл дотооддоо замбараагаа алдаж, хомсдол үүсээд байна. Энэ мэт асуудлыг хэлэлцэж, ярилцаад шийдээд явах шаардлагатай байна."