Б.Бат-Эрдэнэ: Төрөөс гаргасан бодлого шийдвэр бодит ажил болохгүй байна

Өнөөдөр /2019.05.28/ Өргөдлийн болон Байгаль орчин, хүнс, хөдөө аж ахуйн байнгын хороо хамтран хуралдаж, Туул голын ойр орчимд олгосон түгээмэл тархацтай ашигт малтмалын хайгуулын болон ашиглалтын тусгай зөвшөөрлийн талаарх Нийслэлийн Засаг дарга бөгөөд Улаанбаатар хотын захирагчийн мэдээллийг сонслоо.

Энэ үеэр УИХ-ынх гишүүн Б.Бат-Эрдэнэ:

Төрөөс гаргасан бодлого шийдвэр хууль бол хангалттай байна. Гэтэл энэ бүхэн маань бодит ажил болохгүй байгаад хамаг учир байна. Тиймээс энэ асуудалыг бодитой шуурхай нэг талд нь шийдэх хэрэгтэй.

Улаанбаатар хотын ундны эх үүсвэр Туул голын цутгал голуудыг хамгаалах асуудал, намагшилтай булаг ус урсаж байгаа газруудад хайрга дайрга аваачаад барилга бариад байгаа асуудал дээр анхарах хэрэгтэй. Хүн амын талаас илүү нь амьдарч буй Улаанбаатар хотоо жаахан хайрламаар байна.

Төрийн байгууллагуудын ажлын уялдаа гэж юм хаана байна. Хуулиар заагаад өгчихсөн энэ чиг үүргээ биелүүлэх ажил маш хангалтгүй байна. Энэ мэт зүйлийг анхаарч үзээсэй.

Бид голуудын сав газрын захиргаа гэж гаргасан. 300 саяын төсөвтэй ингээд эрх мдэл боломжоор нь хангаад байхад гол мөрөнгөө хамгаалж ажиллах хэрэгтэй.